*राजकीय कविता*

*राजकीय कविता*
"""""""""""""""""""""""""""""
‘बंडखोर’ ‘पक्षां’चा थवा
‘पार्टी’साठी आतूर
कुंपणच खातंय शेताला
अन् बुजगावण झालं फितूर

ना ‘शरदा’चे चांदणे
ना ‘सोनिया’चे दिस
‘घडय़ाळा’चे ओझे ‘हाता’ला
म्हणून ‘आय’ झाला कासावीस

‘कमळा’च्या पाकळ्यांची
यादवी छळते मनाला
‘धनुष्य’ आलंय मोडकळीस
त्याची जाणीव नाही ‘बाणा’ला

विळा, हातोडा अन् कंदिलाला
आजच्या युगात स्थान नाही
डब्यांना ओढू शकेल एवढी
‘रेल्वे इंजिना’त जान नाही

मन आहे ‘मुलायम’
पण ‘माया’ कुठं दिसत नाही
‘हत्ती’वरून फिरणारा
‘सायकल’वर काही बसत नाही

विसरलेले ‘आठवले’ तरीही
‘गवई’ गीत ‘गाणार’ नाही
कितीही आडवे करा खिडक्या ‘कवाडे’
पण आता ‘प्रकाशाला’ कोणी रोकू शकणार नाही।।
🙏🏻🙏🏻🙏🏻🙏🏻🙏🏻🙏🏻