गद्दारांचे चेहरे दिसतील.......

गद्दारांचे चेहरे दिसतील.......
१२५ वी जयंती साजरी केलेले निळे हात आज गुलालाने लाल होतील,
चौकाचौकात उभारून मंडप वर्गणी मांगत फिरतील
तो येतोय...तो आलाय...कटआउट बँनर लागतील
आणी तेंव्हा भीमसैनिका तूला गद्दारांचे चेहरे दिसतील........
त्रिशरण पंचशील अडखळत बोलणारे
तासभराची डोळेबंद करून आरती म्हणतील
सार्वजनिकतेंच्या नावाखाली स्वतचा नवस फेडतील
महाप्रसादाच्या अनुषंगाने सत्यनारायणही घालतील
आणी तेंव्हा भीमसैनिका तूला गद्दारांचे चेहरे दिसतील........
ढोलताश्याच्या गजरात बेफाम होवून नाचतील
पुढच्या वर्षी लवकर या म्हणत ऊर बडवतील
आणी खुल्या झालेल्या मंडपात
पुन्हा नऊ दिवसाची तयारी करतील
अशी भीमविचारांची कत्तल करणारी जागोजागी दिसतील
आणी तेंव्हा भीमसैनिका तूला गद्दारांचे चेहरे दिसतील.......